يسري نصر الله يكشف خفايا تُروى لأول مرة عن عادل إمام وعبلة كامل (فيديو)

عمان بوست – أطلّ المخرج المصري الكبير يسري نصر الله ضيفًا على الإعلامية ريهام السهلي في برنامج “الرحلة” عبر قناة dmc، حيث استعرض خلال اللقاء محطات مهمة من مسيرته الفنية، وذكرياته مع المخرج الراحل يوسف شاهين، كما تحدث بصراحة عن تفاصيل من طفولته، كاشفًا لأول مرة عن أسرار تخص النجم عادل إمام والفنانة المعتزلة عبلة كامل.

وفيما يلي أبرز ما جاء في تصريحات نصر الله:

عن بداياته وطفولته:

• “من وأنا عندي 6 سنين كنت عارف إني هبقى مخرج سينما مهما حصل”.
• “أنا وأختي ناهد نصر الله طفولتنا ما كانتش سهلة، والدنا كان قاسي جدًا، وعيشنا فترة طويلة لوحدنا بعد الطلاق”.
• “ناهد قريبة مني جدًا، وهي اللي بترجعني للواقع، إنسانة جدًا ومحسّتش يوم إنها لوحدها في العالم”.

عن يوسف شاهين:

• “ما كنتش بحب أفلام يوسف شاهين في البداية، لحد ما شفت عودة الابن الضال.. الفيلم ده خلاني أصدق إننا نقدر نعمل سينما مصرية مش دعائية”.
• “يوسف شاهين كان غول، عصبيته ما فيهاش تمثيل.. والجيل بتاعه كان كله أدرجية كبار”.

عن عادل إمام:

• “عادل إمام عمره ما حب فيلم الحريف، وكان حاسس إنه اتلوى دراعه وقت تصويره، ما كانش مرتاح للعمل رغم جودته الفنية”.

عن عبلة كامل:

• “في فيلم المدينة، عبلة كامل فرضت نفسها عشان تعمل دور أم بسمة، قلتلها الدور ده كبير، قالتلي: ملكش دعوة، أنا هعمله.. وبالفعل قدمت أداء رهيب”.

عن الفن والتمثيل:

• “بحترم شخصياتي الفنية، ولما بدي ورش تمثيل بقول للممثل: خليك دايمًا شايف إن الشخصية أذكى منك، مش العكس”.
• “المخرج لازم يجدد رصيده دايمًا، مفيش حاجة اسمها رصيد ثابت”.
• “لسه ما عملتش الفيلم اللي أقدر من خلاله أتعامل مع العالم الغريب اللي احنا عايشين فيه النهارده”.

اللقاء كشف عن جانب إنساني وفني عميق في شخصية يسري نصر الله، وأضاء على محطات خفية من كواليس علاقاته المهنية بأبرز نجوم السينما المصرية.